தமிழீழ
விடுதலைப் புலிகளின் தலைவர் வேலுப்பிள்ளை பிரபாகரனின் 12 வயதைக் கொண்ட
கடைசி மகனும் வன்னி இறுதிக் கட்ட யுத்தத்தில் கொல்லப்பட்டு விட்டார் என்ற
தகவலை பிரித்தானிய சனல்-4 தொலைக்காட்சி தயாரித்துள்ள புதிய காணொளியில்
காட்சிப்படுத்தப்பட்டுள்ளது.
பிரபாகரனின் 12 வயதான மகன் பாலச்சந்திரனின் மார்புப் பகுதியை ஐந்து
துப்பாக்கி ரவைகள் துளைத்துள்ளன. அத்துடன் அவருக்கு அருகில் ஐவரின்
சடலங்களும் காணப்படுவதாக அந்தக் காணொளியில் காண்பிக்கப்படுகிறது.
கடந்த 2009ஆம் ஆண்டு மே மாதம் 18ஆம் திகதி இடம்பெற்ற யுத்தத்தின் போது
இலங்கை இராணுவம் புரிந்த மனித உரிமை மீறல்கள் குறித்து இந்த காணொளியில்
ஆவணப்படுத்தப்பட்டுள்ளது.
’இலங்கையின் கொலைக்களங்கள் – தண்டிக்கப்படாத குற்றங்கள்’ என்ற
தலைப்பைக் கொண்ட இந்தக் காணொளி சனல் 4 தொலைக்காட்சியில் எதிர்வரும்
புதன்கிழமை (14) இரவு இலங்கை நேரப்படி இரவு 10.55க்கு ஒளிபரப்படவுள்ளது.
