டெல்லி
டெயாடெவில்ஸ் அணிக்கும் ரோயல் சலஞ்சர்ஸ் அணிக்குமிடையிலான போட்டியின் ஆட்ட நாயகன் விருது முத்தையா முரளிதரனுக்குப் போய்ச்
சேர்ந்திருக்க வேண்டும் என டெல்லி டெயாடெவில்ஸ் அணியின் துடுப்பாட்ட
வீரரும், போட்டியின் ஆட்ட நாயகன் விருது பெற்றவருமான
ஏபி.டி.வில்லியர்ஸ் தெரிவித்துள்ளார்.போட்டியில் ஏபி.டி.வில்லியர்ஸ் ஆட்டமிழக்காமல் 64 ஓட்டங்களை பெற்றார். மறுபுறத்தில் முத்தையா முரளிதரன் 4 ஓவர்களில் 25 ஓட்டங்களை விட்டுக்கொடுத்து 3 விக்கெட்டுக்களைக் கைப்பற்றியிருந்தார்.
போட்டி தொடர்பாகக் கருத்துத் தெரிவித்த ஏபி.டி.வில்லியர்ஸ், போட்டி துடுப்பாட்ட வீரர்களால் வெல்லப்பட்டது எனத் தான் கருதவில்லை எனவும், போட்டியின் நாயகன் விருது முத்தையா முரளிதரனுக்குப் போய்ச் சேர்ந்திருக்க வேண்டும் எனவும் தெரிவித்தார்.
வெற்றியை பந்துவீச்சாளர்களே பெற்றுக்கொடுத்தார்கள் எனத் தெரிவித்தார். ரோயல் சலஞ்சர்ஸ் பெங்களூர் அணி பெற்றுக்கொண்ட 157 ஓட்டங்கள் துரத்தி வெற்றிபெறக்கூடியது எனத் தெரிவித்த அவர், பந்துவீச்சாளர்கள் மிகச்சிறப்பாகப் பந்துவீசினர் எனத் தெரிவித்தார்.
முத்தையா முரளிதரன் ஒரு நட்சத்திரம் எனத் தெரிவித்த அவர், முரளிக்கு காணப்படும் விக்கெட்டுக்களைக் கைப்பற்றும் திறமை அணிக்கு உதவியதாகத் தெரிவித்தார். முக்கியமான நேரங்களில் முரளி கைப்பற்றிய விக்கெட்டுக்கள் அணிக்கு வெற்றியைப் பெற்றுத் தந்ததாக அவர் தெரிவித்தார்
