முதலாவது இருபது20 போட்டியில் இந்தியாவை வென்றது அவுஸ்திரேலியா

இந்திய அணியுடனான முதலாவது இருபது20 கிரிக்கெட் போட்டியில் அவுஸ்திரேலிய அணி  31  ஓட்டங்களால் வெற்றியீட்டியுள்ளது.

சிட்னி நகரில் சற்றுமுன் நிறைவடைந்த இப்போட்டியில் முதலில் துடுப்பெடுத்தாடிய அவுஸ்திரேலிய அணி 20 ஓவர்களில் 4 விக்கெட் இழப்பிற்கு 171 ஓட்டங்களைக் குவித்தது.

மத்தியூ வாட் 43 பந்துகளில் 3 சிக்ஸர்கள் 5 பௌண்டரிகள் உட்பட 72 ஓட்டங்களைப் பெற்றார். டேவிட் ஹஸி 30 பந்துகளில் 42 ஓட்டங்களைப் பெற்றார்.

பதிலுக்குத் துடுப்பெடுத்தாடிய இந்திய அணி 20 ஓவர்களில்  6 விக்கெட்இழப்பிற்கு 140  ஓட்டங்களையே பெற்றது.

அணித்தலைவர் டோனி 43 பந்துகளில் ஆட்டமிழக்காமல் 48 ஓட்டங்களைப் பெற்றார்.  அவுஸ்திரேலிய பந்துவீச்சாளர்களில்  டேவிட் ஹஸி 4 ஓட்டங்களுக்கு 2 விக்கெட்டுகளையும்  டேனியல் கிறிஸ்டியன் 35 ஓட்டங்களுக்கு 2 விக்கெட்டுகளையும் வீழ்த்தினர்.