மக்களை திசைதிருப்பவே ஆர்ப்பாட்டம்: சுஜீவ சேனசிங்க

அரசாங்கத்தினால் இன்று ஏற்பாடு செய்யப்பட்ட ஆர்ப்பாட்டங்கள் மக்களை திசைதிருப்பும் செயல் என ஐ.தே.க.வின கொழும்பு மாவட்ட நாடாளுமன்ற உறுப்பினர் சுஜீவ சேனசிங்க கூறினார். பொருளாதார ரீதியாகவும் அரசியல் ரீதியாகவும் நாடு எதிர்நோக்கும் பிரச்சினைகளிலிருந்து மக்களை திசை திருப்புவதற்காகவே இந்த ஆர்ப்பாட்டங்கள் நடத்தப்பட்டதாக அவர் கூறினார்.

சட்டத்தின் ஆட்சி நாளுக்கு நாள் குறைந்துவருகிறது. கடத்தல்கள் அதிகரிக்கின்றன. வாழ்க்கைச் செலவு உயர்வு வானளாவ  உயர்ந்துள்ளது. இந்நிலையில், மக்களை ஏமாற்றுவதற்காக இந்த ஆர்ப்பாட்டங்கள் பயன்படுத்தப்பட்டுள்ளன அவர் கூறினார்.

அதேவேளை, மனித உரிமை மீறல்; விவகாரங்களைத் தீர்ப்பதற்கு அரசாங்கம் உறுதியான நடவடிக்கைகளை மேற்கொண்டிருந்தால் இன்று உள்ளூர் ரீதியாகவும் சர்வதேச ரீதியாகவும் எழுப்பப்பட்டுள்ள மனித உரிமை மீறல் கரிசனைகளை அரசாங்கம் எதிர்நோக்கியிருக்கத் தேவையில்லை எனவும் அவர் தெரிவித்தார்.