உலகில் சிறப்பாக ஆடை அணியும் நபர்களின் பட்டியலில் கோஹ்லி!

உலகில் சிறப்பாக ஆடை அணியும் டாப்-10 ஆண்கள் பட்டியலில் இந்திய அணி வீரர் விராத் கோஹ்லி இடம் பெற்று அசத்தியுள்ளார்.

ஆண்களுக்கான பேஷன் இணையத்தள பத்திரிகை ஜி.கியு சார்பில் சர்வதேச அளவில் சிறப்பாக ஆடை அணியும் நபர்களை தெரிவு செய்தது. இதில் இந்திய அணியின் இளம் கிரிக்கட் வீரர் விராத் கோஹ்லி(23) மூன்றாவது இடத்தை பிடித்துள்ளார்.

தற்போது அவுஸ்திரேலியாவில் திறமையை வெளிப்படுத்தி வரும் இவருக்கு இது இன்ப அதிர்ச்சியாக அமைந்தது. இந்த பத்திரிகை வெளியிட்ட செய்தியில், விராத் கோஹ்லி பேட்டிங் ஸ்டைல் காரணமாக இந்தியாவில் வேகமாக பிரபலமடைந்து வருகிறார் என தெரிவித்துள்ளது.

முதலிடத்தில் ஜேர்மனி நடிகர் மைக்கேல் பஸ்பாண்டர் உள்ளார். இதுதவிர கனடா நடிகர் ரியான் கோஸ்லிங், வின்சென்ட் ஆகியோரும் இடம் பெற்றுள்ளனர்.