பங்களாதேஷ் பிரிமியர் லீக் (பிபிஎல்) கிரிக்கெட் போட்டியின் தொடக்க விழா நேற்று வியாழக்கிழமை கோலாகலமாக நடைபெற்றது.
இந்தியாவில்
ஐபிஎல் போட்டி வெற்றி பெற்றதை அடுத்து, பங்களாதேஷில் பிபிஎல் 20 ஓவர்
கிரிக்கெட் போட்டி முதல்முறையாக நடைபெறுகிறது. இதில் மொத்தம் 6 அணிகள்
பங்கேற்கின்றன.
மேற்கிந்தியத்தீவுகளின்
கிறிஸ் கெய்ல், பொல்லார்டு, தென்னாப்பிரிக்காவின் கிப்ஸ், இலங்கை வீரர்
ஜெயசூர்யா, முத்தையா முரளிதரன், பாகிஸ்தானின் அப்துல் ரசாக் ஆகியோர் இதில்
பங்கேற்பவர்களில் குறிப்பிடத்தக்கவர்கள். மற்றபடி வங்கதேச உள்ளூர்
வீரர்களும் உள்ளனர்.
டாக்கா,
சிட்டகாங் நகரில் போட்டிகள் நடைபெறுகின்றன. பிப்ரவரி 29 வரை பிபிஎல்
கிரிக்கெட் நடைபெறுகிறது. இந்தியாவில் ஐபிஎல் போட்டிக்கு இருக்கும்
வரவேற்பைப் போல, பங்களாதேஷில் உள்ள கிரிக்கெட் ரசிகர்கள் பிபிஎல்
போட்டிக்கு ஆதரவு அளிப்பார்கள் என்று போட்டி அமைப்பாளர்கள்
தெரிவித்துள்ளனர்.
இதன் முதல் போட்டி இன்று வெள்ளிக்கிழமை நடைபெறுகின்றது
