இணையத்தில் பட்டையை கிளப்பும் “சவுரவ் கங்குலி - தி மூவி” (வீடியோ இணைப்பு)

இந்திய கிரிக்கெட் அணியின் முன்னாள் அணித்தலைவர் சௌரவ் கங்குலியின் சாதனைகள் தொடர்பான வீடியோவை இணையத்தில் லட்சக்கணக்கான மக்கள் பார்த்து ரசித்துள்ளனர்.

இந்திய அணியின் வெற்றி அணித்தலைவராக விளங்கியவர் கங்குலி. கடந்த 2008ஆம் ஆண்டில் சர்வதேச கிரிக்கெட் போட்டியில் இருந்து ஓய்வை அறிவித்த இவரை, தனியார் இன்சூரன்ஸ் நிறுவனம் ஒன்று மூன்று ஆண்டுகளுக்கு விளம்பர தூதுவராக ஒப்பந்தம் செய்துள்ளது.

இந்த நிறுவனம் “சவுரவ் கங்குலி - தி மூவி” என்ற பெயரில் ஒரு குறும்படம் தயாரிக்க முடிவு செய்தது.

இதில் கங்குலியின் வாழ்க்கை, தலைமை பண்பு, சாதனைகள், கிரிக்கெட்டில் சந்தித்த ஏற்ற, தாழ்வுகள் உள்ளிட்ட பல்வேறு சுவையான தகவல்கள் இடம் பெற உள்ளன. இதற்கான மூன்று நிமிடங்கள் கொண்ட டிரைலர் சமீபத்தில் இணையத்தில் வெளியிடப்பட்டது.

பாலிவுட் ஸ்டைலில் உருவாக்கப்பட்ட இந்த டிரைலருக்கு ரசிகர்கள் மத்தியில் நல்ல வரவேற்பு கிடைத்துள்ளது. இதுவரை மூன்று லட்சத்திற்கும் அதிகமான ரசிகர்கள் இந்த வீடியோவை கண்டு ரசித்துள்ளனர்.