யாழ் கொழும்பு புதிய விமான சேவை இன்று ஆரம்பம்!

யாழ்ப்பாணத்திற்கும் கொழும்பிற்கும் இடையில் புதிய விமான சேவையொன்று இன்று ஆரம்பிக்கப்பட உள்ளது.

எக்ஸ்போ எயார் என்ற நிறுவனத்தினால் இந்த சேவை ஆரம்பிக்கப்பட்டுள்ளது. போர் இடம்பெற்ற காலத்திலும் இந்த நிறுவனம் வடக்கில் விமான போக்குவரத்தில் ஈடுபட்டிருந்தமை குறிப்பிடத்தக்கது.

இந்தநிலையில், நாளொன்றுக்கு இரண்டு தடவைகள் இந்த விமானம் சேவையில் ஈடுபடும் என தெரிவிக்கப்படுகிறது.

காலை 7 மணி மற்றும் மாலை 4.15 மணிக்கு கொழும்பிலிருந்து பயணம் செய்யும் குறித்த விமானம் யாழ்ப்பாணத்திலிருந்து காலை 8.45 மணி மற்றும் மாலை 4.45 மணிக்கு பயணம் செய்யும் எனக் குறிப்பிடப்படுகிறது.

ஒரு வழிப் பயணத்திற்காக 10000 ரூபா கட்டணமாக அறவீடு செய்யப்பட உள்ளதாகவும் இரு வழிப் பயணத்திற்கு 19100 ரூபா கட்டணமாக அறவீடு செய்யப்பட உள்ளதாகவும் தெரிவிக்கப்படுகிறது.