உலக தரவரிசையில் இலங்கை மாணவி முதலிடம்

க.பொ.த. உயர்தர (லண்டன்) பரீட்சையில் ஆங்கில இலக்கியத் தரவரிசையில் உலகில் முதலிடம் பெற்றமைக்காக இலங்கை மாணவியான நிஷிகா சமரதுங்க, அண்மையில் நடைபெற்ற 'எட்எக்ஸல் ஹை அச்சீவர்ஸ்   2010/2011 விருதுவழங்கல் வைபவத்தின்போது விருதுவழங்கி கௌரவிக்கப்பட்டார்.

கொழும்பு சர்வதேச பாடசாலையின் முன்னாள் மாணவியான இவர், க.பொ.த. சாதாரணத்தர (லண்டன்) பரீட்சையிலும் உலகில் முதல் 3 இடங்களுக்குள் தெரிவானமைக்காக பரிசொன்றைபெற்றமை குறிப்பிடத்தக்கது. சாதாரணத் தரப் பரீட்சையில் 8 ஏ சித்திகளைப் பெற்றமைக்காகவும் அவர் எட்எக்லஸ் விருதை பெற்றுக்கொண்டார்.

இவர் தற்போது லண்டன் பல்கலைக்கழக கல்லூரியில் இரண்டாம் வருட சட்டத்துறை மாணவியாக உள்ளார்.