நான்கு
நாடுகள் பங்கேற்கும் ஆசியா கோப்பை கிரிக்கெட் போட்டி பங்களாதேஷ் தலைநகர்
டாக்காவில் நேற்று முன்தினம் தொடங்கி நடைபெற்று வருகிறது. இதில் 2-வது லீக்
போட்டியில் இன்று இந்தியா-இலங்கை அணிகள் மோதின. இந்த போட்டியில் 50 ரன்கள்
வித்தியாசத்தில் இந்திய அணி வெற்றி பெற்றது.
இந்நிலையில், இப்போட்டியின் போது சூதாட்டத்தில் ஈடுபட்டதாக மனோஜ்
மதுராதாஸ் (40 ), என்பவர் இந்தூர் போலீசாரால் கைது செய்யப்பட்டுள்ளதாக
அன்னபூர்ணா தானா போலீஸ் பாபுசிங் குஷ்வஹா தெரிவித்துள்ளார்.
மேலும், அவர் கூறியதாவது-
மனோஜ் சூதாட்டத்தில் பயன்படுத்தியதாக ரூ.2600 ரொக்கப்பணம், 18 மொபைல்
போன்கள், தொலைக்காட்சிப் பெட்டிகள், மின்னணு சாதனங்கள் மற்றும் சில
ரசீதுகளை அவரிடமிருந்து மீட்டுள்ளோம்.
மேலும், அவர்மீது சூதாட்ட சட்டம் 3/4 ஏ பிரிவின் கீழ் வழக்குப்பதிவு
செய்யப்பட்டுள்ளது. அவருடன் இருந்த கூட்டாளிகளையும் தீவிரமாக தேடி
வருகிறோம் என்றும் கூறினார்.
