எரிவாயு விலை விரைவில் அதிகரிக்குமென நுகர்வோர் விவகார அதிகாரசபை
கூறியுள்ளது. நுகர்வோர் விவகார அதிகாரசபையின் தலைவர் றூமி மர்சூர்,
'விலையுயர்வு தொடர்பான பேச்சுக்கள் இன்னும் தொடர்வதாகவும் ஆனால்
எரிவாயுவின் விலையை எவ்வளவில் அதிகரிப்பது என்னும் விடயத்தில் முடிவு
எட்டப்படவில்லை' என கூறினார். எரிவாயு விலை விரைவில் மீளாய்வு செய்யப்படும். தீர்மானம் எடுத்த பின் நாம் இதுபற்றி அறிவிப்போம். புதிய விலை பற்றிய இறுதித் தீர்மானம் எடுக்கப்பட்ட பின் வர்த்தமானியூடாக அறிவிக்கப்படும் என மர்சூக் தெரிவித்தார்.
எரிபொருட்களின் விலைகள் கடந்த மாதம் அதிகரிக்கப்பட்ட பின் கூட்டுறவு மற்றும் உள்நாட்டு வர்த்தக அமைச்சரான ஜோன்ஸ்டன் பெர்னாண்டோ, எரிவாயுவின் விலைகளை அதிகரிக்க அனுமதிக்கப்பட மாட்டாது என கூறியிருந்தார்.
இருப்பினும் பிரதான எரிவாயு கம்பனியான லாஃப், லிற்றோ நிறுவனங்கள், 12.3 கிலோகிராம் எரிவாயு சிலிண்டரின் விலையை முறையே ரூபா 209 மற்றும் 175ஆல் அதிகரிக்க அனுமதி கோரியுள்ளன. தற்போது ஒரு எரிவாயு சிலிண்டரின் விலை 2046 ரூபாவாக உள்ளமை குறிப்பிடத்தக்கது.
