தம்புள்ள பள்ளிவாசல் இடிக்கப்பட்டால் ஆளுனர் பதவியை துறக்கத் தயாராம் : அலவி மௌலானா

தம்புள்ள பள்ளிவாசல் இடிக்கப்பட்டால் பதவி விலக நேரிடும் என மேல் மாகாண ஆளுனர் அலவி மௌலானா தெரிவித்துள்ளார். அதிகாரிகள் பள்ளிவாசலை இடிக்கும் திட்டத்தை முன்னெடுத்தால் தமது ஆளுனர் பதவியை துறக்கத் தயார் என அவர் சுட்டிக்காட்டியுள்ளார்.

எந்தவொரு நிலையிலும் இணக்கப்பாடுகளை ஏற்படுத்திக் கொள்ள முடியாது என அவர் தெரிவித்துள்ளார். பள்ளிவாசல் இடம் நகர்த்தப்படுகின்றமை ஆரோக்கியமானதாக அமையாது என அவர் சுட்டிக்காட்டியுள்ளார். 1960ம் ஆண்டு முதல் குறித்த பள்ளிவாசல் இயங்கி வருவதாகக் குறிப்பிட்டுள்ளார்.