பட்டாயா ஓபன் டென்னிஸ்: காலிறுதியில் சானியா தோல்வி!

பட்டாயா ஓபன் டென்னிஸ் தொடரின் ஒற்றையர் பிரிவு காலிறுதியில் இந்தியாவின் சானியா மிர்சா தோல்வியடைந்தார்.

தாய்லாந்தில் பட்டாயா ஓபன் டென்னிஸ் தொடர் நடக்கிறது. இதன் ஒற்றையர் பிரிவு காலிறுதியில் இந்திய வீராங்கனை சானியா, சீன தைபே வீராங்கனை சு-வெய்யை சந்தித்தார்.

இதன் முதல் செட்டில் சானியா மிர்சா 5-7 என்ற கணக்கில் போராடி தோற்றார். தொடர்ந்து நடந்த இரண்டாவது செட்டில் சானியா மிர்சா எழுச்சி பெறுவார் என்று எதிர்பார்க்கப்பட்டது. ஆனால் இதையும் 3-6 என இழந்தார்.

ஒரு மணி நேரம், 20 நிமிடங்கள் நடந்த போட்டியின் முடிவில் இந்தியாவின் சானியா மிர்சா 5-7, 3-6 என்ற நேர் செட்கணக்கில் தோல்வியடைந்தார்.